«Լենտեքս» ՍՊԸ-ն հանդիսանում է գուլպաների և զուգագուլպաների խոշորագույն արտադրողներից մեկը Հայաստանում: Ձեռնարկությունը հիմնադրվել է 2002 թվականին Գյումրի քաղաքում: Այսօր «Լենտեքս» ՍՊԸ-ն հայկական միակ գործարանն է` լիովին հագեցած գուլպաների և զուգագուլպաների տեսականիով, որը բավարարում է նորածիններից մինչև մեծահասակների պահանջները` ցանկացած ճաշակի, ձևի, երանգի, չափսերի ու եղանակի: Արտադրանքը թողարկվում է ստանդարտներին համապատասխան և ունի անհրաժեշտ բոլոր հավաստագրերը: Մեր ձեռնարկության տեսականին ունի ավելի քան հարյուր անվանում: 2019 թվականին հիմք դրվեց նոր տեխնոլոգիաներով զուգագուլպայի արտադրության՝ «OLETTI» անվանմամբ, որը այժմ վայելում է մեծ պահանջարկ սպառողի կողմից: Ճկուն մարքեթինգային քաղաքականության շնորհիվ ընկերությունն արագ արձագանքում է սպառողների կարիքներին, ինչպես նաև կատարում է բացառիկ պատվերներ՝ հիմնված հաճախորդի նախասիրությունների վրա: